მეტროსადგურ "ვარკეთილის" სარეაბილიტაციო სამუშაოების პერიოდში, 12 ივლისიდან 45 დღის განმავლობაში, სადგური დროებით დაიკეტება. მერიის განცხადებით, ამ დროისთვის დაწესდება დამატებითი ავტობუსის დროებითი მარშრუტი N174, რომელიც ჯავახეთისა და ლიზა ნაკაშიძე-ბოლქვაძის ქუჩებიდან მგზავრებს უახლოეს მეტროსადგურ "სამგორამდე" გადაიყვანს.

ავტობუსი წრიულად იმოძრავებს და მეტროსადგურ "ვარკეთილის" მიმდებარე ტერიტორიას მეტროსადგურ "სამგორთან" დააკავშირებს.

რეაბილიტაციის ფარგლებში დაგეგმილია ჭერის დაზიანებული ნაწილების აღდგენა, თაღის ჰერმეტიზაცია და საესკალატორო გვირაბის ელემენტების განახლება. მოსაპირკეთებელი სამუშაოები შემოდგომაზე დასრულდება.