თბილისის მერია თბილისის ბაგა-ბაღების სააგენტოსგან იმ საბავშვო ბაღის დირექტორისა და აღმზრდელისთვის უფლებამოსილების შეჩერებას ითხოვს, საიდანაც დღეს ბავშვი გადმოვარდა. მერიამ უფლებამოსილების შეჩერებას გამოძიების დასრულებამდე მოითხოვს, მანამდე კი ბაგა-ბაღების სააგენტოს თანამშრომლებს არაეთიკური გამონათქვამებისგან თავის შეკავებისკენ მოუწოდებს.

"ბავშვი არის ინკლუზიური და პირველი სართულიდან გადმოხტა. დამაკმაყოფილებელია მდგომარეობა, ყველაფერი კარგად არის. იქ ვიყავით ყველა მაგრამ, ინკლუზიური ბავშვები მოგეხსენებათ, მცდელობა ჰქონდა დღეს კი არა, ყოველ დღე და დღეს დააგვირგვინა", - ასე შეაფასა ბაღის დირექტორმა მარინა გოგოლაძემ ბავშვის გადმოვარდანა რუსთავი 2-თან საუბრისას.

შინაგან საქმეთა სამინისტროს მიერ On.ge-სთვის მიწოდებული ინფორმაციით, ბავშვის სიცოცხლეს საფრთხე არ ემუქრება, საქმეზე გამოძიება კი სისხლის სამართლის კოდექსის 124-ე მუხლით დაიწყეს. ამ მუხლით, ჯანმრთელობის ნაკლებად მძიმე ან მძიმე დაზიანება გაუფრთხილებლობით ისჯება ჯარიმით ან გამასწორებელი სამუშაოთი ვადით ორ წლამდე.