სოციალური კვლევისა და ანალიზის ინსტიტუტი (ISSA) საზოგადოებრივი კვლევის შედეგებს აქვეყნებს, რომლის მიხედვითაც ქართულ ოცნებას ქვეყნის მასშტაბით 24.6%, ხოლო თბილისში 15.3% უჭერს მხარს..

ამ შაბათს რომ იმართებოდეს საპარლამენტო არჩევნები, რომელ პარტიას/პოლიტიკურ ძალას მისცემდით ხმას, შემდეგი არჩევანი რომ გქონდეთ?

• კოალიცია ცვლილებებისთვის: (საქართველო — 11%, თბილისი — 13%, რეგიონები — 10%).
• ერთიანობა — ენმ: (საქართველო — 10%, თბილისი — 10%, რეგიონები — 10%)
• ძლიერი საქართველო: (საქართველო — 4%, თბილისი — 5%, რეგიონები — 4%)
• გახარია — საქართველოსთვის: (საქართველო — 5%, თბილისი — 9%, რეგიონები — 3%)
• საქართველოს პატრიოტთა ალიანსი: (საქართველო — 1.2%, თბილისი — 2.7%, რეგიონები — 0.6%)
• გირჩი: (საქართველო — 1.4%, თბილისი — 3.0%, რეგიონები — 0.6%)
• ქართული ოცნება/ხალხის ძალა: (საქართველო — 24.6%, თბილისი — 15.3%, რეგიონები — 28.8%)
• კონსერვატორები საქართველოსთვის: (საქართველო — 1.0%, თბილისი — 4.6%, რეგიონები — 0.8%)
• სხვა: (საქართველო — 5.3%, თბილისი — 10.4%, რეგიონები — 5.6%)
• არ ვიცი/ცარიელს დავტოვებდი/არცერთს/არ წავალ არჩევნებზე: (საქართველო — 37.0%, თბილისი — 36.4%, რეგიონები — 37.3%)

რეიტინგები ალოკაციით (რეალობასთან მიახლოებული)

• ქართული ოცნება (საქართველო: ივნისი — 35.8%; მაისი — 35.2%)
• კოალიცია ცვლილებებისთვის(საქართველო: ივნისი — 18%; მაისი — 17%)
• ერთიანობა — ენმ (საქართველო: ივნისი - 16.6%; მაისი - 14.6%)
• ძლიერი საქართველო (საქართველო: ივნისი 9.5%; მაისი — 13.4%)
• გახარია საქართველოსთვის (საქართველო: ივნისი — 10%; მაისი — 12.4%)

თბილისში ქართული ოცნების რეიტინგი: ივნისი — 23%; მაისი — 24.6%

კვლევის თანახმად, ამომრჩეველთა იმ ნაწილში, ვინც დადასტურებულად აპირებს ადგილობრივ არჩევნებში მონაწილეობას, მნიშვნელოვნად იზრდება ქართული ოცნების/ხალხის ძალის რეიტინგი, ხოლო მნიშვნელოვნად კლებულობს ყველა მეინსტრიმული ოპოზიციური ძალის რეიტინგი. ეს კიდევ ერთხელ მიუთითებს იმაზე, რომ ქართული ოცნების ამომრჩეველს გააჩნია გაცილებით მაღალი მზაობა ადგილობრივ არჩევნებში მონაწილეობისათვის, ვიდრე ოპოზიციურად განწყობილ ამომრჩევლებს.

კვლევის მიხედვით, საქართველოს მოსახლეობაში თითქმის ყოველი მეორე (49%) არ ეთანხმება მოსაზრებას, რომ რომ თუ ქართული ოცნება არ დარჩება ხელისუფლებაში, გაიზრდება რუსეთთან ომში ჩართვის საფრთხე (ეთანხმება 37%) დაახლოებით იგივე ტენდენციაა რეგიონებში. აღნიშნულ მოსაზრებას ყველაზე მეტად არ ეთანხმებიან თბილისელები (60%) და პროევროპული ოპოზიციის ამომრჩევლები (76%). ქართული ოცნების ამომრჩეველთა 76% ეთანხმება, რომ ქართული ოცნების ხელისუფლებისგან ჩამოშორება გაზრდის რუსეთთან ომში ჩართვის საფრთხეს.

ყველა ჯგუფში (ქართული ოცნების ამომრჩევლების გარდა) უფრო მეტი მომხრე ჰყავს მოსაზრებას, რომ თუ ქართული ოცნება ხელისუფლებაში არ იქნება, მოხდება ქვეყნის წინსვლა. ამ მოსაზრებას თითქმის ყოველი მეორე (49%) იზიარებს თბილისში, ხოლო პროევროპული
ოპოზიციის ამომრჩევლებში — 75%. ქართული ოცნების ამომრჩევლებში უმრავლესობა (62%)
ფიქრობს, რომ ქართული ოცნების ხელისუფლებაში არყოფნით მოხდება ქვეყნის უკუსვლა.

რაოდენობრივ კვლევაში, პირისპირი ინტერვიუს გზით, მონაწილეობას იღებდა საქართველოს სრულწლოვანი (+18) მოსახლეობის 2000 რესპონდენტი. რესპონდენტების შერჩევა ალბათურად (შემთხვევითობის პრინციპით) მოხდა, კერძოდ, წინასწარი სტრატიფიკაციის კლასტერული მეთოდით. შერჩევის ცდომილება ±2.2% მთლიანი შერჩევისთვის, 95%-იანი სანდოობით. საველე სამუშაოები ჩატარდა 2025 წლის 17-29 ივნისის შუალედში, 71%-იანი გამოპასუხების წილით. კვლევის დონორია სამოქალაქო საზოგადოების ფონდი, ხოლო განმახორციელებელი სოციალური კვლევისა და ანალიზის ინსტიტუტი (ISSA).