ცენტრალური საარჩევნო კომისია განცხადებას ავრცელებს და ეუთოს რეზოლუციასა და ეუთო/ოდირის მიერ საპარლამენტო არჩევნების შესახებ გავრცელებულ ანგარიშსს განიხილავს.

"ცესკოს" განცხადებით, ეუთოს რეზოლუციას დაინტერესებული მხარეები საარჩევნო ადმინისტრაციის დისკრედიტაციისა და ზოგადად საარჩევნო პროცესის დასაზიანებლად იყენებენ. "ცესკო" ყოფილ სახალხო დამცველს, ნინო ლომჯარიას ადანაშაულებს არასწორი განცხადებების გაკეთებაში, რომლებიც 2024 წლის საპარლამენტო არჩევნების ავტორიტეტის შებღალვისკენაა მიმართულია .

"ეუთოს რეზოლუციას დაინტერესებული მხარეები საარჩევნო ადმინისტრაციის დისკრედიტაციისა და ზოგადად საარჩევნო პროცესის დასაზიანებლად იყენებენ.

ეუთო/ოდირის მიერ პარლამენტის არჩევნებთან დაკავშირებით გავრცელებულ ანგარიშში და არც ეუთოს რეზოლუციაში საუბარი არ არის არჩევნების გაყალბებაზე, კონკრეტული პირები მედიის საშუალებით კვლავ აკეთებენ მანიპულაციურ განცხადებებს, თითქოს არჩევნები გაყალბდა და ამას ადასტურებს ეუთოს რეზოლუცია.

საზოგადოების შეცდომაში შეყვანას და საარჩევნო პროცესის დისკრედიტაციას ისახავს მიზნად რამდენიმე დღის წინ ნინო ლომჯარიას მიერ გაკეთებული განცხადებაც, რომლითაც ამტკიცებს, რომ 2024 წლის საპარლამენტო არჩევნები გაყალბდა".