ვადამდელი საპარლამენტო არჩევნების ჩატარების გარეშე ადგილობრივ არჩევნებში ოპოზიციის ბოიკოტს თბილისელების 47.4% ემხრობა. "სოციალური კვლევისა და ანალიზის ინსტიტუტის" (ISSA) ახალი კვლევის შესახებ მონაცემებს იაგო კაჭკაჭიშვილი აქვეყნებს.

აქედან 29.3% თვლის, რომ ადგილობრივ არჩევნებს ბოიკოტი უნდა გამოუცხადოს ოპოზიციურმა პოლიტიკურმა პარტიებმა, ხოლო 18.1% თვლის, რომ ოპოზიციამ ადგილობრივ არჩევნებში მონაწილეობა იმ შემთხვევაში უნდა მიიღოს, თუ მანამდე ან მასთან ერთად ჩატარდება ვადამდელი საპარლამენტო არჩევნები.

საქართველოს მასშტაბით, ვადამდელი საპარლამენტო არჩევნების ჩატარების გარეშე, ადგილობრივი არჩევნებისთვის ბოიკოტს 38.1% ემხრობა. ხოლო 45.5% თვლის, რომ ოპოზიციამ ადგილობრივ არჩევნებში მონაწილეობა უნდა მიიღოს.

რაც შეეხება პროევროპული ოპოზიციას, მათი 43.3% ოპოზიციის თვითმმართველობის ბოიკოტს უპირობოდ უჭერს მხარს, კიდე 26.2% თვლის, რომ ოპოზიციამ იმ შემთხვევაში უნდა მიიღოს თვითმმართველობის არჩევნებში მონაწილეობა, თუ მანამე ან მასთან ერთად საპარლამენტო არჩევნები ჩატარდება.

რაც შეეხება ოცნების ამომრჩეველს, მათი 70.4% მხარს უჭერს, რომ პოზიციამ უნდა მიიღოს თვითმმართველობის არჩევნებში მონაწილეობა იმის მიუხედავად, ჩატარდება თუ არა ვადამდელი საპარლამენტო არჩევნები.

ISSA-მ საქართველოს მოსახლეობაში, 2000 რესპონდენტზე საზოგადოებრივი აზრის გამოკითხვა ჩაატარა პირისპირ ინტერვიუს მეთოდით (დონორი: სამოქალაქო საზოგადოების ფონდი). საველე სამუშაოები დასრულდა ორი დღის წინ, 30 ივნისს.