"უკრაინამ კანადისგან 1.7 მილიარდი დოლარი მიიღო. ეს თანხები გაყინული რუსული აქტივებიდან მიღებული შემოსავლებიდან უზრუნველყოფილი თანხებია" — ამის შესახებ უკრაინის პრემიერმინისტრი დენის შმიგალი სოციალურ ქსელ X-ზე წერს.

მისივე განცხადებით, წლის დასაწყისიდან, ბოლო ტრანშის ჩათვლით, უკრაინამ გაყინული რუსული აქტივებიდან დაახლოებით 17.6 მილიარდი დოლარი მიიღო.

დენის შმიგალმა კანადის პრემიერს და ინიციატივაში ჩართულ ყველა პირს მადლობა გადაუხადა. როგორც მან აღნიშნა, ეს თანხა აგრესიის მსხვერპლთათვის კომპენსაციის გადასახდელად და სახელმწიფოს აღსადგენადაა საჭირო.

"უკრაინამ კანადისგან ERA ინიციატივის ფარგლებში დაახლოებით 1.7 მილიარდი დოლარი (2.3 მილიარდი კანადური დოლარი) მიიღო. ეს თანხები გაყინული რუსული აქტივებიდან მიღებული შემოსავლებიდანა უზრუნველყოფილი თანხებია. ჩვენს პარტნიორებთან ერთად, ჩვენ ვაიძულებთ რუსეთს, გადაიხადოს ფასი მისი დანაშაულებისა და ნგრევისთვის. წლის დასაწყისიდან, ბოლო ტრანშის ჩათვლით, გაყინული რუსული აქტივებიდან დაახლოებით 17.6 მილიარდი დოლარი მივიღეთ. მადლობლები ვართ კანადის პრემიერ-მინისტრის, მარკ კარნისა და ამ ინიციატივაში ჩართული ყველა ადამიანის. ჩვენ, პარტნიორებთან ერთად, ვაიძულებთ რუსეთს, გადაიხადოს ფასი ჩადენილი დანაშაულებისთვის. ეს თანხა საჭიროა აგრესიის მსხვერპლთათვის კომპენსაციის გადასახდელად და ჩვენი სახელმწიფოს აღსადგენად. ეს, ასევე, იქნება სამართლიანობის აქტი მომავალში აგრესიული ომების თავიდან ასაცილებლად" — წერს დენის შმიგალი.