დღეს, 23 სექტემბერს, ცენტრალურ და სამხრეთ მექსიკაში მიწისძვრა განმეორებით მოხდა. აშშ-ს გეოლოგიური კვლევით ცენტრის ცნობით, ბიძგების სიმძლავრე 6,1 მაგნიტუდს შეადგენდა.

მიწისძვრის ეპიცენტრი მეხიკოდან 400 კმ-ის მოშორებით დაფიქსირდა და შედეგად ქალაქში მნიშვნელოვნად არაფერი დაზიანებულა.

გეოლოგიური ცენტრის განმარტებით, 6,1 მაგნიტუდის სიმძლავრის ბიძგებს შედარებით ცუდად აშენებული შენობების დაზიანება შეუძლია.

აქამდე, სექტემბერის თვეში, მექსიკაში ორი მიწისძვრა მოხდა. 19 სექტემბრის ბიძგების შედეგად ასობით შენობა დაინგრა და სულ 298 ადამიანი დაიღუპა. 8 სექტემბერის მიწისძვრას კი დაახლოებით 100-მდე ადამიანი ემსხვერპლა.