Uber ლონდონის ტრანსპორტისგან (TfL) კერძო ქირავნობის ლიცენზიას ვერ მიიღებს. ამის შესახებ ინფორმაციას BBC ავრცელებს.

TfL-ის გადაწყვეტილებით, კომპანია არ აკმაყოფილებდა ლონდონში კერძო ოპერატორის აყვანის ლიცენზიის მოთხოვნებს. უწყების განცხადებით, გადაწყვეტილება საზოგადოებრივი უსაფრთხოების საფუძველზე იქნა მიღებული. ლონდონის ტრანსპორტი, ასევე, უკმაყოფილოა უბერის მიდგომით მძღოლების წარსულის შესწავლის მიმართ.

უბერი აღნიშნულ გადაწყვეტილებას გაასაჩივრებს. კომპანიის განცხადებით, ლონდონის კარი დახურულია ინოვაციური კომპანიებისთვის.

BBC-ის ცნობით, უბერის აპლიკაციას ლონდონში 3,5 მილიონი მგზავრი და 40 ათასამდე მძღოლი იყენებს. კომპანიის გენერალური მენეჯერის თქმით, აპლიკაცია მსოფლიოს მასშტაბით 600-ზე მეტ ქალაქში ოპერირებს, მათ შორის დიდი ბრიტანეთის 40-ზე მეტ ქალაქში.

ლონდონის ტრანსპორტის გადაწყვეტილებას მხარი დაუჭირა ლონდონის მერმა, სადიქ ხანმა:

"ყველა ოპერატორმა უნდა ითამაშოს წესების მიხედვით."