თბილისის საქალაქო სასამართლოს მოსამართლის ეკა ბარბაქაძის გადაწყვეტილებით, თბილისის საქალაქო სასამართლოს მანდატურის მიმართ, სამსახურებრივი მოვალეობის შესრულების დროს განხორციელებული თავდასხმის ფაქტზე ბრალდებულ სამოქალაქო აქტივისტს, ნინო დათაშვილს აღკვეთის ღონისძიების სახით პატიმრობა შეეფარდა.

სახელმწიფო ბრალდება პატიმრობის გამოყენებას, ხოლო დაცვის მხარე კი 20 000 ლარიანი გირაოსა და დამატებით შემზღუდავი ღონისძიებების გამოყენებას შუამდგომლობდა.

ცნობისთვის,აქტივისტი ნინო დათაშვილი "საჯარო მოსამსახურეზე განხორციელებული თავდასხმის ბრალდებით" 20 ივნისს დააკავეს. აქტივისტს სისხლის სამართლის კოდექსის 353-ე სეკუნდა მუხლის მე-3 ნაწილით ედავებიან, რაც 4-დან 7 წლამდე ვადით თავისუფლების აღკვეთას ითვალისწინებს.

აქტივისტ ნინო დათაშვილს მანდატურზე "თავდასხმისთვის" 4-დან 7 წლამდე პატიმრობა ემუქრება