"იმის ნაცვლად, რომ კორუფციის არაერთ გახმაურებულ საქმეზე დაიწყოს გამოძიება, კუპრაშვილის უწყება სადამსჯელო უწყებად იქცა" — ასე ეხმაურება საქართველოს მეხუთე პრეზიდენტი სალომე ზურაბიშვილი არასამთავრობო ორგანიზაციების მიერ გუშინ გამართულ ბრიფინგს, სადაც ითქვა, რომ 17 ივნისს ანტიკორუფციულმა ბიურომ რუსული კანონის აღსრულება დაიწყო.

სალომე ზურაბიშვილმა არასამთავრობო ორგანიზაციებს სოლიდარობა გამოუცხადა.

"მხარდაჭერას ვუცხადებ პერსონალური ინფორმაციის დაცვის პრინციპს, რომლის ერთგულება განურჩევლად ყველას ვალდებულებაა.

მხარდაჭერას ვუცხადებ პერსონალური ინფორმაციის დაცვის პრინციპს, რომლის დაცვის პასუხისმგებლობა და მისი ერთგულება განურჩევლად ყველას ვალდებულებაა. ამ ვადებულების უგულვებელყოფას კი კანონი ვერ უნდა ითხოვდეს ვერავისგან.

ნებისმიერი ქმედება, რომელიც არღვევს ამ პრინციპს და ზეწოლას ახდენს მონაცემთა გასაჯაროებაზე შეუთავსებელია სამართლებრივ სახელმწიფოსთან და დემოკრატიულ სტანდარტებთან.

არც ერთი კანონი არ უნდა გამოიყენებოდეს კრიტიკული ხმების ან დამოუკიდებელი სამოქალაქო სექტორის წინააღმდეგ.

სოლიდარობას ვუცხადებ იმ ორგანიზაციებს, რომლებიც წინ აღუდგნენ ამ ზეწოლას.

იმის ნაცვლად რომ ქვეყანაში კორუფციის არაერთ გახმაურებულ საქმეზე დაიწყოს გამოძიება კუპრაშვილის უწყება სადამსჯელო უწყებად იქცა" — წერს სალომე ზურაბიშვილი სოციალურ ქსელში.

შეგახსენებთ, არასამთავრობო ორგანიზაციებმა გუშინ ბრიფინგი გამართეს და განაცხადეს, რომ 17 ივნისს ანტიკორუფციულმა ბიურომ რუსული კანონების აღსრულება დაიწყო და სამართლებრივი საფუძვლის გარეშე მათი დაცვის ქვეშ მყოფი მოქალაქეების პერსონალური ინფორმაციის გადაცემა მოსთხოვეს. მესამე სექტორის წარმომადგენლების განცხადებას ანტიკორუფციული ბიუროს ხელმძღვანელმა, რაჟდენ კუპრაშვილმა სიცრუე უწოდა. კუპრაშვილის ბრიფინგის შემდეგ "საფარის" ხელმძღვანელმა ბაია პატარაიამ სოციალურ ქსელში ანტიკორუფციული ბიუროს მიერ გამოგზავნილი დოკუმენტი გამოაქვეყნა, სადაც წერია, რომ ბიურო არასამთავრობო ორგანიზაციას ბენეფიციარებზე დეტალურ ინფორმაციას სთხოვს, მათ შორის ფოტო-ვიდეო მასალას.

ასევე იხილეთ: