ქარიშხალმა მარიამ კარიბის ზღვაში მდებარე პუერტო რიკო და კუნძულზე მცხოვრები 3,5 მილიონი ადამიანი ელექტროენერგიის გარეშე დატოვა. ამავდროულად ვრცელდება ფოტოები, რომლებზეც ქარიშხლისგან დაზარალებული კუნძული დომინიკაა აღბეჭდილი. ეს უკვე მეორე დამანგრეველი კარიშხალია, რომელიც კარიბის ზღვის კუნძულებს დაატყდა თავს. პირველი მათგანი ირმა იყო.

BBC-ის ცნობით, ამ ეტაპზე მარია მესამე კატეგორიის ქარიშხალია, რომელიც ტერქსისა და კაიკოსის კუნძულებისკენ მიემართება.

პუერტო რიკოს გუბერნატორის, რიკარდო როსელოს თქმით, ჯერ-ჯერობით მხოლოდ ერთი შემთხვევა დაფიქსირდა ადამიანის დაშავების. მისივე თქმით, 500 თავშესაფარი გაიხსნა ადამიანების დასაცავად:

"ღმერთი ჩვენთანაა; ჩვენ უფრო ძლიერები ვართ, ვიდრე ნებისმიერი ქარიშხალი."

ფოტო: Ricardo Arduengo/AFP/Getty Images

ფოტო: Carlos Giusti/AP

ფოტო: Hector Retamal/AFP/Getty Images