ადამიანის ზომის ლაბუბუ $150 000-ზე ძვირად გაიყიდა

ადამიანის ზომის ლაბუბუს თოჯინა ამ კვირაში რეკორდულ ფასად — 1.08 მილიონ იუანად (150,324 აშშ დოლარი) გაიყიდა.

131 სანტიმეტრიანი ფიგურა გაიყიდა პეკინში, Yongle International-ის აუქციონზე. აუქციონის ორგანიზატორის განცხადებით, ეს ლაბუბუ გახდა მსოფლიოში ყველაზე ძვირადღირებული სათამაშო ამ კატეგორიაში.

ლაბუბუ ერთი შეხედვით უცნაური, მონსტრის სტილის პერსონაჟია, რომელიც ათი წლის წინ ჰონგ-კონგელმა არტისტმა, კასინგ ლანგმა შექმნა. ბოლო წლებში ეს თოჯინები უფრო პოპულარული გახდა, მას შემდეგ, რაც მისი გამოყენება აქსესუარებად ცნობილმა ადამიანებმა დაიწყეს — რბილი სათამაშოები ვირუსულად გავრცელდა TikTok-ზე, მას შემდეგ რაც ლაბუბუ რიანამ, დუა ლიპამ და BlackPink-ის ლისამ მოირგეს.

ლაბუბუს თოჯინებს ყიდის ჩინური სათამაშოების კომპანია Pop Mart და ჩვეულებრივ მათი ფასი დაახლოებით 50 იუანია (7 აშშ დოლარი)

Yongle International-ის ამ კვირის აუქციონი მთლიანად ლაბუბუს დაეთმო — გასაყიდად წარმოდგენილი იყო 48 თოჯინა და, აუქციონის სახლის ცნობით, ჯამში 3.37 მილიონ იუანზე მეტი შეგროვდა, რაც დაახლოებით 468 000 აშშ დოლარის ეკვივალენტია.

იხილეთ ასევე:

რა არის ლაბუბუ და რატომაა ასეთი პოპულარული?

ბოლო ამბები:

გირჩევთ