დღეს ევროპარლამენტის ადამიანის უფლებების ქვეკომიტეტის (DROI) რიგგარეშე შეხვედრაზე, სადაც საქართველოს საკითხზე იმსჯელეს, ევროკომისარმა გაფართოების საკითხებში, მარტა კოსმა განაცხადა, რომ "საქართველო არის გახსენება როგორ შეიძლება მოხდეს უკუსვლა ევროპული გზიდან".

"სიტუაცია საქართველოში, მადლობა რასა იუკნევიჩიენეს ჩართულობისთვის სამოქალაქო საზოგადოებასთან, საქართველო არის გახსენება როგორ შეიძლება მოხდეს უკუსვლა ევროპული გზიდან. როდესაც ვიწყებთ კანდიდატის სტატუსის მინიჭებით, ეს არ ნიშნავს რომ ევროპული გზა ავტომატურად იქნება. მაშინ როდესაც ათასობით ადამიანი აწყობს მსვლელობებს ევროკავშირის დროშებით, ხელისუფლება საწინააღმდეგო მიმართულებით მიდის. საქართველოს უცხოური რეგისტრაციის შესახებ აქტი არის ქვეყნის დემოკრატიის სერიოზული უკუსვლის აღმნიშვნელი იმ ბოლო დროს მიღებულ კანონებთან ერთად მაუწყებლობისა და გრანტების შესახებ, რაც საფრთხეს უქმნის საქართველოს დემოკრატიული საფუძვლების გადარჩენას. ჩვენს ერთობლივ განცხადებაში, რომელიც გასულ კვირას გავაკეთეთ მოვუწოდეთ საქართველოს ხელისუფლებას მოუსმინონ საკუთარი მოსახლეობის მკაფიო მოთხოვნებს დემოკრატიაზე და ევროპულ მომავალზე, გაათავისუფლოს ყველა უსამართლოდ დაკავებული ჟურნალისტი, აქტივისტი, აქციის მონაწილე და პოლიტიკური ლიდერი. ამას გავაკეთებთ ისევ და ისევ. პასუხისმგებლობა ეკისრება მხოლოდ და მხოლოდ საქართველოს ხელისუფლებას. განვიხილავთ საქართველოს ინტეგრაციის გზაზე დაბრუნებას, თუ ხელისუფლება გადადგამს ნაბიჯებს დემოკრატიული უკუსვლის შესაცვლელად. ასეთ დროს ჩვენ უნდა დავეხმაროთ სამოქალაქო საზოგადოებას და ქართველ ხალხს", — განაცხადა მარტა კოსმა (ტექსტს "ევროსკოპი" ავრცელებს).