უკრაინასა და რუსეთს შორის მოლაპარაკებების მეორე რაუნდი დღეს, 2 ივნისს, თურქეთის დედაქალაქ სტამბოლში გაიმართება. როგორც უკრაინული მედია წერს, კიევმა წინასწარ გადასცა ცეცხლის შეწყვეტის პირობების დოკუმენტი, ხოლო მოსკოვმა პირობა დადო, რომ

რუსეთ-უკრაინის ტექნიკური მოლაპარაკებების მეორე რაუნდი პირველი რაუნდიდან ორნახევარი კვირის შემდეგ იმართება. 16 მაისს გამართულ შეხვედრაზე უპირობო ცეცხლის შეწყვეტაზე შეთანხმება ვერ იქნა მიღწეული, რასაც უკრაინა და აშშ დაჟინებით მოითხოვენ.

ამ დრომდე, ამერიკის პრეზიდენტი დონალდ ტრამპი თვლიდა, რომ ვლადიმერ პუტინს, თითქოს, "მშვიდობა სურს". თუმცა, სტამბოლში პირველი მოლაპარაკებების შემდეგ მან აღიარა, რომ პროცესი ჩიხში შევიდა და პირადად დაურეკა პუტინს. მან ცეცხლის შეწყვეტის შესახებ ე.წ. "მემორანდუმის" იდეა წამოაყენა. მისი თმით, უნდა მოიძებნოს კომპრომისები, რომლებიც ორივეს, რუსეთსაც და უკრაინასაც, მოერგება.

გასულ კვირას რუსულმა მხარემ დაასრულა მემორანდუმზე მუშაობა და უკრაინა სტამბოლში მიიწვია. მანამდე, ჟენევა ან ვატიკანი იყო შემოთავაზებული შეხვედრის ადგილად, მაგრამ რუსული მხარე, როგორც მინისტრმა სერგეი ლავროვმა თქვა, "თავს კარგად გრძნობს სტამბოლში".

რუსებმა პირობა დადეს, რომ თურქეთში მოლაპარაკებებზე ცეცხლის შეწყვეტის პირობების სიას წარადგენდნენ. რუსეთის საგარეო საქმეთა სამინისტროს პრესსპიკერმა მარია ზახაროვამ განაცხადა, რომ მათი მემორანდუმი მოიცავს ომის დარეგულირების ე.წ. პრინციპებს, პოტენციური შეთანხმების პირობებს და დროებითი ზავის პირობებს.