"ეს არ იყო მიზანმიმართული ქმედება, ეს იყო გარკვეული სახის შეცდომა", — ასე გამოეხმაურა ოცნების ხელისუფლების შინაგან საქმეთა მინისტრის მოადგილე ალექსანდრე დარახველიძე ევროკავშირის წარმომადგენლობის თანამშრომლის, საიმონ ვანდერბრუკის საქართველოში არ შემოშვებას.

მისი თქმით, "ამ ადამიანს აქვს ჩვეულებრივად, საქართველოში შემოსვლის და დიპლომატიური პრივილეგიებით სარგებლობის უფლება".

"მოგახსენებთ, რომ მსგავს ფაქტს ნამდვილად ჰქონდა ადვილი, თუმცა ეს იყო გარკვეული ტიპის ტექნიკური ხარვეზი და შეფერხება. იგივე საკითხთან დაკავშირებით ჰქონდათ შესაბამის უწყებებს საუბარი კონკრეტულ დიპლომატთან. ჩვენი მხრიდან დაფიქსირდა პოზიცია, რომ ეს არ იყო მიზანმიმართული ქმედება, ეს იყო გარკვეული სახის შეცდომა, შესაბამისად, განემარტა, რომ ამ ადამიანს აქვს ჩვეულებრივად, საქართველოში შემოსვლის და დიპლომატიური პრივილეგიებით სარგებლობის უფლება, რაც ვენის კონვენციით და შესაბამისი, სამართლებრივი აქტებით არის განსაზღვრული. ასე რომ, ინციდენტი ამოწურულია და მე მგონი, ამაზე დამატებით საუბარი არ ღირს," — განაცხადა დარახველიძემ.

შეგახსენებთ, რომ 21 მაისს, საქართველოში ევროკავშირის წარმომადგენლობის წევრი სიმონ ვანდენბრუკი აარ შემოუშვეს. აღნიშნულის შესახებ განმარტება გააკეთა ქვეყნის საგარეო უწყება, მათი თქმით, "ადგილი ჰქონდა ტექნიკურ გაუგებრობას".

"ადგილი ჰქონდა ტექნიკურ გაუგებრობას, აღნიშნულზე გვქონდა კომუნიკაცია ევროკავშირის მხარესთან, რის შესახებაც მათ განემარტათ და საკითხი ამოწურულია", — საგარეო უწყების კომენტარს IPN ავრცელებს.