პაპი ლეო XIV პირველი ვიზიტის ფარგლებში შესაძლოა უკრაინას ეწვიოს. ამის შესახებ გამოცემა La Repubblica წერს.

"მსოფლიო პრესა განიხილავს, თუ რომელ ქვეყანას შეიძლება ეწვიოს ახალი პაპი ლეო XIV პირველად. შესაძლებელია, რომ ეს ქვეყანა უკრაინა იყოს", — ნათქვამია სტატიაში.

უკრაინის პრეზიდენტმა ვოლოდიმირ ზელენსკიმ უკვე მიიწვია პაპი კიევში "სამოციქულო ვიზიტით", რაც, მისი თქმით, უკრაინელ ხალხს იმედს მისცემს.

ზელენსკიმ ახალი პაპი უკრაინაში მიიწვია

ლეო XIV ელის, რომ მის პირველ ვიზიტებს სახელმწიფო სამდივნო განსაზღვრავს. პირველ ქვეყნებს შორის, რომლებიც მოინახულებს, თურქეთი, უკრაინა და პერუ დაასახელეს. წინა პაპი ფრანცისკე უკრაინაში არასდროს ყოფილა.

8 მაისს ვატიკანმა ახალი პაპი აირჩია: 69 წლის კარდინალი რობერტ ფრენსის პრევოსტი, რომელმაც სახელად ლეო XIV აირჩია. ის გახდა პირველი მღვდელი შეერთებული შტატებიდან, რომელმაც ეს თანამდებობა დაიკავა.