1-ელ მაისს, ახალციხეში, 9 აპრილის ქუჩაზე, საცხოვრებელ კორპუსში ორი გარდაცვლილი იპოვეს.

სამხრეთის კარიბჭის ინფორმაციით, გარდაცვლილია წყვილი, რომელიც რამდენიმე წლის განმავლობაში არარეგისტრირებულ ქორწინებაში იმყოფებოდა. მათივე ცნობით, კაცმა ჯერ ქალი მოკლა და შემდეგ თავი მოიკლა.

გარდაცვლილია შუახნის მამაკაცი და ქალი. მეზობლების განმარტებით, შემთხვევა სავარაუდოდ გუშინ მოხდა, ცნობილი კი დღეს გახდა — "კარი ღია იყო, შევიდნენ და გარდაცვლილები ნახეს".

გარდაცვლილ ქალს ჭრილობა გულ–მკერდის არეში, ცეცხლსასროლი იარაღით აქვს მიყენებული. ამ ეტაპზე უცნობია, მამაკაცის გარდაცვალების მიზეზი. მეზობლების განმარტებით, მამაკაცმა სავარაუდოდ ჯერ ქალს ესროლა, შემდეგ კი თავი მოიკლა.

შინაგან საქმეთა სამინისტროს განცხადებით, გამოძიება სსკ–ის 109–ე მუხლით მიმდინარეობს, რაც განზრახ მკვლელობას გულისხმობს.