თბილისის საქალაქო სასამართლოს მოსამართლე დავით თეთრაულმა ახალის და გირჩი-მეტი თავისუფლების პრესსამსახურის თანამშრომლები, მირანდა ბაღათურიას და ანა ყურაშვილს 4000—4000-ლარიანი გირაო შეუფარდა.

ბაღათურიას და ყურაშვილს ადმინისტრაციულ სამართალდარღვევათა კოდექსის 173-ე მუხლის მეორე ნაწილის საფუძველზე პოლიციელ მირიან ქავთარაძის შეურაცხყოფას ედავებოდნენ. ქავთარაძე ის პოლიციელია, რომელიც სინდისის პატიმარს, საბა სხვიტარიძეს თავდასხმაში ედავებიან.

17 აპრილს საბა სხვიტარიძის პროცესზე მირიან ქავთარაძე გამოჰკითხეს. გამოკითხვის დასრულების შემდეგ, მირიან ქავთარაძემ დარბაზი საპროტესტო შეძახილების ფონზე დატოვა. მირანდა ბაღათურიამ პროცესზე განაცხადა, რომ იმ დროს სხვა დარბაზში სხვა სხდომას ესწრებოდა და როცა სასამართლოს ეზოში გავიდა, მირიან ქავთარაძე უკვე წასული იყო. ანა ყურაშვილმა განმარტა, რომ ის ქავთარაძის გასვლის დროს, სხდომათა დარბაზში დარჩა და მას არ ასდევნებია.

პროკურატურამ თავდაპირველად ბაღათურიასთვის და ყურაშვილისთვის ადმინისტრაციული პატიმრობის შეფარდება მოითხოვა, საბოლოოდ კი გირაო შეუფარდა.