ცხელი და სასიამოვნო ზაფხულის შემდეგ თუ კიდევ შემოგრჩათ მეგობრებთან ერთად გართობისთვის დრო და ენერგია, მაგრამ იდეები ამოგეწურათ, გიჟური და ძალიან სახალისო გამოწვევების მოფიქრება ჩვენ მოგვანდეთ.

თქვენ კი ბევრი ხახვი, ლიმონი ან ყინული მოიმარაგეთ და მოემზადეთ - წინ დაუვიწყარი დროის გატარება გელით.

1. ყინულის აბაზანა

ყინულის აბაზანაში ჩაწოლა ნამდვილი გამოწვევაა, რადგან ამის გაკეთება ყველასთვის არ არის მარტივი. თუმცა მეგობრულ შეჯიბრს თუ ოდნავ სერიოზულად მაინც მიუდგებით, თუნდაც საკუთარი ძალისა და შესაძლებლობების დასამტკიცებლად, თქვენ ამას შეძლებთ და საკმაოდ რთულ გამოწვევას, ღირსეულად გაუმკლავდებით.

2. ბევრი ხახვი

პირველ რიგში დარწმუნდით რომ ხახვზე ალერგია არ გაქვთ, შემდეგ კი რამდენიმე თავი მოიმარაგეთ და მეგობრებთან ერთად საქმეს შეუდექით. "ბევრი ხახვის" გამოწვევის წესები ძალიან მარტივია - მოიგებს ის ვინც ყველაზე მეტ უმ ხახვს შეჭამს.

3. გამოწვევა გემრიელი პიცის სახით

ეს გამოწვევა სახალისოსთან ერთად გემრიელიცაა და თუ გავითვალისწინებთ მსოფლიოში პიცის მოყვარულთა დიდ არმიას, დიდი ალბათობით, ეს გამოწვევა გემრიელი პიცის სახით, თქვენთვის საკმაოდ სარფიანი შემოთავაზება იქნება. ამ თამაშში ერთი ნაჭერი პიცა, დამატებითი ქულაა თქვენს ანგარიშზე.

4. საკვების დაგემოვნება დახშული ყნოსვით

საკვების დაგემოვნება დახშული ყნოსვით, არც ისეთი მარტივი თამაშია, როგორც ერთი შეხედვით ჩანს, რადგან გამოწვევის წესები, მეგობრებს თქვენთვის ნებისმიერი საკვების მოცემის უფლებას აძლევს, თქვენ კი ისე მოგიწევთ ჭამა, რომ ვერც კი გაიგებთ მადისაღმძვრელია ეს საკვები თუ არა. მოკლედ თუ მეგობრები გინდათ გაართოთ, ეს გამოწვევა აუცილებლად დაგეხმარებათ.

5. ლიმონის გამოწვევა

აიღეთ იმდენი ლიმონი რამდენი მეგობარიც ხართ და შეეჯიბრეთ ვინ უფრო მალე მოახერხებს მის მთლიანად შეჭმას.

6. დახუჭული თვალებით საკვების ამოცნობა

ეს გამოწვევა ძალიან წააგავს, დახშული ყნოსვით ჭამას, რადგან ნებისმიერი საკვების მირთმევისას, იმისათვის რომ შეაფასოთ რამდენად გემრიელია კერძი, გემოს შეგრძნება, მხედველობაც და გემოც მნიშვნელოვან როლს თამაშობენ. ამიტომ ნუ გაგიკვირდებათ თუ თვალებ ახვეულს, ძაღლისთვის განკუთვნილი საკვები გემრიელი მოგეჩვენებათ.

7. კვერცხი

მართალია კვერცხი ბევრ ადამიანს უყვარს, მაგრამ "კვერცხის" გამოწვევის მიღება, სულაც არ გულისხმობს ახლად შემწვარი, მადისაღმძვრელი ომლეტის დაგემოვნებას. თქვენ უმი კვერცხის გადაყლაპვა მოგიწევთ, თანაც იმაზე მეტის ვიდრე ამას თქვენი ნებისმიერი მეგობარი მოახერხებს.

8. ხუთი ლარი

გამოწვევა "ხუთი ლარის" წესები საკმაოდ მარტივია, თუმცა მისი განხორციელება დიდ დროსა და ენერგიას მოითხოვს. საქმე ის არის რომ თქვენ მოგიწევთ, გემრიელი სადილის მომზადება თავისი დესერტით, თანაც ისე რომ თქვენი ბიუჯეტი მხოლოდ და მხოლოდ, ხუთი ლარი იქნება.

9. მაკიაჟს გაკეთება სარკის გარეშე

აქ ჩამოთვლილი გამოწვევებიდან, ყველაზე რთული ალბათ სარკის გარეშე მაკიაჟის გაკეთებაა. დამიჯერეთ შედეგით თქვენც და თქვენი მეგობრებიც ძალიან იხალისებთ და რა თქმა უნდა, სამახსოვრო ფოტო უცნაური მაკიაჟით გარანტირებული იქნება.