სოციალურ ქსელში გავრცელდა ვიდეო, რომელშიც ჩანს, რომ მარჯანიშვილის თეატრთან მილი გასკდა და წყლის ჭავლი თეატრის შენობის ფასადს ესხმება.

NEWS.On.ge-ს ჯორჯიან უოთერ ენდ ფაუერისში უთხრეს, რომ წყლის მილი გასკდა და არა კანალიზაციის. გთავაზაბთ GWP-ს განცხადებას:

დღეს, 15 აპრილს, ჩუღურეთის რაიონში, მარჯანიშვილის ქუჩა N8-ის მიმდებარედ ჯორჯიან უოთერ ენდ ფაუერის წყალსადენი ქსელი ავარიულად დაზიანდა.

კომპანიის ტექნიკური ჯგუფი ადგილზეა მობილიზებული, წყლის დინების შესაჩერებლად დაიკეტა ჩამკეტ-მარეგულირებელი ურდული, რის შემდეგაც დაიწყება მილის დაზიანებულ მონაკვეთზე აღდგენითი სამუშაოები.

აღნიშნულთან დაკავშირებით დღეს, 15 აპრილის საღამოს 21:00 საათამდე წყალმომარაგება შეზღუდული ექნება:

მარჯანიშვილის ქN 1-27,, 2,4,6,16,18. უშანგი ჩხეიძის N17-N36, სანაპიროს ქ. N6,N8,N10 და კოსტავას1-ელ შესახვევს და მედია მზია ჯუღელსი ქუჩებს.

ჯორჯიან უოთერ ენდ ფაუერი ბოდიშს უხდის მომხმარებლებს დისკომფორტისთვის.