ილონ მასკმა კერძო თვითმფრინავში დაწყებული ვიდეოთამაშის ლაივსტრიმი მას შემდეგ გამორთო, რაც ასობით უარყოფითი შინაარსის შეტყობინება მიიღო და თამაშის პირველივე ბოსთან ბრძოლაში დამარცხდა. SpaceX-ის აღმასრულებელი დირექტორი Starlink-ის სატელიტური სისტემის შესაძლებლობებს ცდიდა თვითმფრინავით ფრენისას თამაშში, Path of Exile და ლაივი სატელიტური სისტემით, პლატფორმა X-ზე ჰქონდა ჩართული. თუმცა ტესტირება გეგმის მიხედვით არ წავიდა და პირველივე ბოსთან დამარცხებულმა მასკმა ლაივსტრიმი გათიშა სიტყვებით: "ვაი, მგონი კავშირი წყდება".

Elon Musk gets trolled while attempting to live stream Path of Exile 2 from his private jet on April 5, 2025
byu/bipartisanic inFauxmoi

ილონ მასკი ტრამპის ადმინისტრაციაში თავისი როლის გამო, სულ უფრო ხშირად ხდება კრიტიკის სამიზნე — ის ხელმძღვანელობს ფედერალურ დანახარჯების შემცირების ჯგუფს სახელწოდებით: "სახელმწიფო მმართველობის ეფექტიანობის დეპარტამენტი" (DOGE). მასკი ამერიკელების ნაწილისთვის კვლავ პოპულარულია, თუმცა მისი რეიტინგი საგრძნობლად დაეცა. განსაკუთრებით გეიმერების წრეში. ცნობისთვის, მას Path of Exile 2-ში ძალიან მაღალი რეიტინგის მქონე ანგარიში აქვს, თუმცა მისი ლაივსტრიმების მაყურებლები ამბობენ, რომ თამაშის უნარები რეიტინგს არ შეესაბამება.

რაც შეეხება მასკს და პოლიტიკას, მისი DOGE-ის ხელმძღვანელის როლი, როგორც სპეციალური სამთავრობო თანამშრომლის, 130 დღიანი ვადით არის შეზღუდული. თუ ჩავთვლით, რომ მისი პირველი დღე ტრამპის ინაუგურაციის დღე იყო, მაშინ მასკის ფედერალურ ხელისუფლებაში ყოფნა 30 მაისს დასრულდება, თუმცა პრეზიდენტმა დონალდ ტრამპმა შესაძლოა ის სხვა თანამდებობაზე დანიშნოს.