თურქეთის საპროტესტო აქციებზე 1400-ზე მეტი პირის დაპატიმრების შემდეგ, ათასობით ადამიანი მონაწილეობს. ამის შესახებ BBC წერს.

მეშვიდე ღამეს თურქეთში ათასობით ადამიანი გამოვიდა საპროტესტო აქციაზე, სადაც ამ დრომდე 1400-ზე მეტი ადამიანი დააკავეს, მათ შორის სტუდენტები, ჟურნალისტები და ადვოკატები.

არეულობა თურქეთში მას შემდეგ დაიწყო, რაც გასულ ოთხშაბათს, ქალაქის მერი ექრემ იმამოღლუ, რომელიც პრეზიდენტ რეჯეფ თაიფ ერდოღანის მთავარ პოლიტიკურ კონკურენტად ითვლება, კორუფციის ბრალდებით დააკავეს.

უფლებადამცველმა ჯგუფებმა და გაერომ პოლიციის მიერ დემონსტრანტების დაკავება და ძალის გამოყენება დაგმეს.

იმამოღლუმ თქვა, რომ მის წინააღმდეგ ბრალდებები პოლიტიკურად მოტივირებული იყო, რასაც თურქეთის პრეზიდენტი უარყოფს.

სამშაბათს ანკარაში, რამადანის მარხვის ტრაპეზზე ახალგაზრდების ჯგუფთან საუბრისას, პრეზიდენტმა ერდოღანმა პროტესტანტებს მოუწოდა მოთმინებისა და საღი აზროვნებისკენ.

მან დასძინა, რომ ადამიანებს, რომლებსაც სურთ "ქაოსის ადგილად აქციონ ეს ქვეყანა, არსად აქვთ წასასვლელი", აქციის მონაწილეების გზა კი "ჩიხია".

სტამბოლის ხელისუფლებამ აკრძალა საპროტესტო აქციები და გადაკეტა რამდენიმე გზა "საზოგადოებრივი წესრიგის შესანარჩუნებლად" და "რათა თავიდან აიცილოს ნებისმიერი პროვოკაციული ქმედება, რომელიც შეიძლება მოხდეს".

BBC იმასაც წერს, რომ ბევრ სტუდენტს იმის შიშით, რომ პოლიციას მათი იდენტიფიცირება არ მოეხდინა სახე შარფებითა და ნიღბებით ჰქონდა დაფარული. ნისანტასის რაიონში სტუდენტების მსვლელობისას სკანდირებდნენ "მთავრობა, გადადექი!" და აფრიალებდნენ დროშებსა და ბანერებს.

მეტი თურქეთის პროტესტის შესახებ: