აზერბაიჯანსა და სომხეთს შორის სამშვიდობო ხელშეკრულების ტექსტზე მოლაპარაკების პროცესი უკვე დასრულებულია.

აზერბაიჯანული მედიის ცნობით, ამის შესახებ დღეს ჟურნალისტებს აზერბაიჯანის რესპუბლიკის საგარეო საქმეთა მინისტრმა ჯეიჰუნ ბაირამოვმა ბაქოს XII გლობალური ფორუმის ფარგლებში განაცხადა.

"ადრე ვთქვით, რომ დარჩა მხოლოდ ორი ღია პუნქტი, რამდენიმე დღის წინ კი სომხურმა მხარემ საკომუნიკაციო არხებით გვაცნობა, რომ მიიღო აზერბაიჯანის წინადადებები ამ პუნქტებთან დაკავშირებით.

შესაბამისად, შეგვიძლია აღვნიშნოთ ტექსტზე მუშაობის დასრულება", — დასძინა მინისტრმა.