ბოსნიის პროკურატურამ 12 მარტს ბოსნიელი სერბების რუსეთის მიერ მხარდაჭერილი ლიდერის, მილორად დოდიკის დაკავების ორდერი გასცა სასამართლოს მოწოდებების იგნორირების გამო.

სახელმწიფო პროკურატურა ბოსნიის სერბთა ავტონომიური რესპუბლიკის სეპარატისტი პრეზიდენტის წინააღმდეგ გამოძიებას აწარმოებს კონსტიტუციურ წესრიგზე თავდასხმის მუხლით, მას შემდეგ, რაც დოდიკმა დააინიციირა და მიიღო კანონები, რომლითაც სახელმწიფო პოლიცია და სასამართლო რეგიონიდან განდევნა.

დოდიკმა შემოიღო აკრძალვები მას შემდეგ, რაც ერთი წლით პატიმრობა მიესაჯა საერთაშორისო სამშვიდობო დესპანის განჩინებების დარღვევის გამო — ამ განაჩენის გასაჩივრება დოდიკს ორი კვირის ვადაში შეუძლია.

სერბული რესპუბლიკის ტელევიზიამ განაცხადა, რომ პროკურატურამ ორდერი გასცა რესპუბლიკის პრემიერმინისტ რადოვან ვიშკოვიჩისა და რეგიონული პარლამენტის პრეზიდენტ ნენად სტევანდიჩის დასაკავებლადაც.

სერბული რეგიონის პარლამენტმა დააინიციირა რესპუბლიკის ახალი კონსიტიტუცია, რომელიც გააუქმებს ყველა რეფორმას, რომელიც ათწლეულების წინ დეიტონის სამშვიდობო შეთანხმების შედეგად იქნა შეთანხმებული.

"ვერავინ დააკავებს პრეზიდენტ დოდიკსა და სერბთა რესპუბლიკის ხელმძღვანელობას", — განაცხადა სტაშა კოშარაცმა, დოდიკის პარტიის წევრმა და ქვეყნის ცენტრალურ მთავრობაში საგარეო ვაჭრობის მინისტრმა.

ევროკავშირის სამშვიდობო ძალების (EUFOR) განცხადებით, რეგიონში დამატებითი ძალები გაიგზავნა სტაბილურობისა და უსაფრთხოების შესანარჩუნებლად.