MEGOBARI ACT-ს, სადაც ოცნების მაღალჩინოსნებისთვის სანქციების დაწესებაზეა საუბარი, სენატის საქმეთა კომიტეტი სავარაუდოდ მომავალ კვირაში განიხილავს, — ამის შესახებ აშშ-ს სახელმწიფო დეპარტამენტის კორესპონდენტი ალექს რაუფოღლუ სოციალურ ქსელში წერს და დოკუმენტის ხელმომწერი 18 სენატორის ჩამონათვალს აქვეყნებს.

მისი თქმით, MEGOBARI ACT-ს, რომელიც აშშ-ს წარმომადგენელთა პალატაში მიმდინარე წლის დასაწყისში სენატორებმა ჯო უილსონმა და სტივ კოენმა წარმოადგინეს, ყოველდღიურად უფრო მეტი მხარდამჭერი ჰყავს. ამჟამად მას 18 სენატორი აწერს ხელს.

"ორპარტიულმა კანონპროექტი, რომელიც ითხოვს სანქციების დაწესებას ქართული დემოკრატიის ძირგამომთხრელების წინააღმდეგ, რომელიც ცნობილია როგორც MEGOBARI ACT, აშშ-ს სენატსა და სენატის საგარეო საქმეთა კომიტეტში სავარაუდოდ რამდენიმე დღეში განიხილება.

სენატში წყაროები მატყობინებენ, რომ MEGOBARI ACT-ის სენატის ვერსია საგარეო საქმეთა კომიტეტში მომავალი კვირის დასაწყისში განიხილება.

ამასობაში, MEGOBARI ACT, რომელიც წარმომადგენელთა პალატაში მიმდინარე წლის დასაწყისში სენატორებმა ჯო უილსონმა და სტივ კოენმა წარმოადგინეს, ყოველდღიურად უფრო მეტი მხარდამჭერი ჰყავს.

მას ახლა 18 თანასპონსორი ჰყავს", — წერს რაუფოღლუ და MEGOBARI ACT-ის ხელმომწერების ჩამონათვალს აქვეყნებს.

მეგობარი აქტის თანასპონსორი სენატორები

მეგობარი აქტის თანასპონსორი სენატორები