4 მარტს დონალდ ტრამპის ადმინისტრაციამ იემენელი ჰუსიტების ჯგუფი ტერორისტული ორგანიზაციების სიაში დააბრუნა, რითაც გააუქმა პრეზიდენტ ჯო ბაიდენის მიერ 2021 წელს მიღებული გადაწყვეტილება.

სახელმწიფო მდივანმა მარკო რუბიომ განაცხადა, რომ ეს პრეზიდენტი ტრამპის კამპანიის ერთ-ერთი პირობა იყო მას შემდეგ, რაც ჰუსიტებმა ასობით თავდასხმა მოაწყვეს წითელ ზღვასა და ადენის ყურეში მცურავ გემებზე. ჰუსიტები საკუთარ კამპანიას ჰამასის მიმართ სოლიდარობას უწოდებენ.

"სახელმწიფო დეპარტამენტის მიერ მიღებული დღევანდელი გადაწყვეტილება აჩვენებს ეროვნული უსაფრთხოების ინტერესების დაცვის, ამერიკელი ხალხის დაცულობისა და აშშ-ის უსაფრთხოების მიმართ ტრამპის ადმინისტრაციის ერთგულებას. ტერორისტთა სიაში შეყვანა გადამწყვეტ როლს თამაშობს ტერორიზმის წინააღმდეგ ჩვენს ბრძოლაში და ეფექტური გზაა, რათა შეიზღუდოს ტერორისტული ქმედებების მიმართ მხარდაჭერა", — განაცხადა მარკო რუბიომ.

ინფორმაციისთვის, დონალდ ტრამპმა იემენელი ჰუსიტები ჯგუფი უცხოური ტერორისტული ორგანიზაციების სიაში 2021 წელს, პირველი საპრეზიდენტო ვადის ბოლო დღეს შეიყვანა, თუმცა, ბაიდენის ადმინისტრაციამ მისი გადაწყვეტილება დაახლოებით ერთ თვეში შეცალა.