"მაკრონი არ წარმოადგენს საფრთხეს, ის სამუდამოდ გაქრება არაუგვიანეს 2027 წლის 14 მაისისა და არავის დააკლდება", — ასე გამოეხმაურა რუსეთის უშიშროების საბჭოს თავმჯდომარის მოადგილე, დიმიტრი მედვედევი საფრანგეთის პრეზიდენტის, ემანუელ მაკრონის განცხადებას იმის შესახებ, რომ რუსეთს სიტყვაზე ვეღარ უნდა ედონ, რუსეთი უკრაინაზე არ გაჩერდება და საფრანგეთისა და ევროპისთვის საფრთხედ იქცა.

მაკრონის გაცხადებას კრემლის პრესსპიკერი, მარია ზახაროვაც გამოეხმაურა. მისი თქმით, ის ყოველდღიურად აკეთებს რაღაც განცხადებებს, რომლებიც სრულიად მოწყვეტილია რეალობისგან.

"ის ყოველდღიურად აკეთებს რაღაც განცხადებებს, რომლებიც სრულიად მოწყვეტილია რეალობისგან და ეწინააღმდეგება მის წინა განცხადებას. აი, მეზღაპრეა", — აღნიშნა ზახაროვამ.