აშშ-ის პრეზიდენტმა დონალდ ტრამპმა კონგრესში საუბრისას განაცხადა, რომ შეერთებული შტატები გრენლანდიას ნებისმიერ შემთხვევაში შემოიერთებს.

"მინდა მივმართო გრენლანდიის მოსახლეობას. ჩვენ მხარს ვუჭერთ თქვენს უფლებას განსაზღვროთ თქვენი მომავალი და თუ თქვენ აირჩევთ, მიგიღებთ შეერთებულ შტატებში. ჩვენ გვჭირდება გრენლანდია ეროვნული და საერთაშორისო უსაფრთხოებისთვის. ვფიქრობ, მას ასე თუ ისე მივიღებთ", — დარწმუნებულია ტრამპი.

მან დასძინა, რომ გრენლანდიას ჰყავს მცირე მოსახლეობა, მაგრამ დიდი ტერიტორია და ძალიან მნიშვნელოვან როლს ასრულებს თავდაცვის საკითხებში.

"ჩვენ დაგიცავთ, გაგამდიდრებთ და ერთად ავიყვანთ ამ რეგიონს ისეთ სიმაღლეებამდე, რაზეც არასოდეს გიოცნებიათ", — დაარწმუნა აშშ-ს პრეზიდენტმა.

დონალდ ტრამპმა გრენლანდიის ყიდვის განზრახვა ჯერ კიდევ 2024 წლის დეკემბერში გამოაცხადა. გრენლანდიის ვაჭრობის მინისტრმა ნააია ნათანიელსენმა განაცხადა, რომ კუნძული ღიაა შეთანხმებისთვის, მაგრამ არ სურს შეერთებულ შტატების შემადგენლობაში შესვლას. ამ ფონზე, დანიის თავდაცვის სამინისტრომ კუნძულის თავდაცვაზე ხარჯების გაზრდის გეგმები გამოაცხადა. დანიის პრემიერმინისტრ მეტე ფრედერიკსენთან საუბრისას ტრამპმა თქვა, რომ ის სერიოზულად ფიქრობს გრენლანდიაზე კონტროლის აღებას. დანიის საგარეო საქმეთა სამინისტრომ განაცხადა, რომ შეერთებული შტატები გრენლანდიას არ მიიღებს.

ამავე თემაზე: