მოსკოვში გამართულ შეხვედრაზე ოკუპირებული ცხინვალის ე.წ საგარეო საქმეთა მინისტრმა ახსარ ჯიოევმა და ნიკარაგუას "ელჩმა სამხრეთ ოსეთში" ალბა ტორესმა ხელი მოაწერეს შეთანხმებას უვიზო მიმოსვლის შესახებ, — ინფორმაციას რადიო თავისუფლება ავრცელებს.

კერძოდ, ხელი მოეწერა შეთანხმებას "დიპლომატიური, ოფიციალური, სამსახურებრივი და უცხოური პასპორტების მფლობელთათვის სავიზო ფორმალობებზე ორმხრივი უარის თქმის შესახებ".

2008 წელს ნიკარაგუა რუსეთის შემდეგ პირველი ქვეყანა იყო, რომელმაც "აფხაზეთისა და სამხრეთ ოსეთის დამოუკიდებლობა აღიარა".

ღია წყაროებიდან მიღებული ინფორმაციის თანახმად, ე.წ. აფხაზური და სამხრეთ ოსეთის პასპორტების მფლობელებს ნიკარაგუაში უვიზოდ 90 დღემდე ყოფნა შეუძლიათ.