ჯეი დი ვენსი: ვროპასთან დაკავშირებით საფრთხე არ არის რუსეთი, ჩინეთი, ან რომელიმე სხვა გარე აქტორი

15 Feb. 2025, 15:35

"მაშინ როდესაც ტრამპის ადმინისტრაცია ძალიან შეშფოთებულია ევროპულ უსაფრთხოებაზე და სჯერა, რომ შეგვიძლია რუსეთსა და უკრაინას შორის გონივრულ შეთანხმებამდე მისვლა, და ასევე გვჯერა, რომ მომდევნო წლებში ევროპამ დიდი ნაბიჯები უნდა გადადგას საკუთარი თავდაცვის დაფინანსებაში, ევროპასთან დაკავშირებით საფრთხე, რომელზეც მე ვღელავ ყველაზე მეტად, არ არის რუსეთი, არ არის ჩინეთი და არ არის რომელიმე სხვა გარე აქტორი. მე შიგნიდან მომავალ საფრთხეზე ვღელავ. ევროპის უკან დახევა მისი ფუნდამენტური ღირებულებებისგან, რომლებსაც ის შეერთებულ შტატებთან იზიარებს.

შოკირებული ვიყავი, როდესაც ყოფილი ევროპელი კომისარი ცოტა ხნის წინ ტელევიზიაში გამოვიდა და აღფრთოვანებული ჩანდა, რომ რუმინეთის მთავრობამ არჩევნები გააბათილა. მან გაგვაფრთხილა, რომ თუ ყველაფერი გეგმის მიხედვით არ წავა, იგივე რამ გერმანიაშიც შეიძლება მოხდეს...

სამწუხაროდ, როდესაც დღევანდელ ევროპას ვუყურებ, ხანდახან არც ისე ნათელია რა დაემართა ცივი ომის ზოგიერთ გამარჯვებულს. ვუყურებ ბრიუსელს, რომლის კომისრებიც მოქალაქეებს აფრთხილებენ, რომ სოციალური მედიის დახურვას გეგმავენ სამოქალაქო მღელვარებების პერიოდში, მომენტში, როდესაც ისინი დაინახავენ "სიძულვილის შემცველ კონტენტს"

ბოლო ამბები: