აზერბაიჯანელი ჟურნალისტი აფგან მუხთარლი სოციალურ ქსელში პოსტს აქვეყნებს, სადაც ნეტგაზეთისა და ბათუმელების დირექტორის, მზია ამაღლობელის დაუყოვნებლივ გათავისუფლებას მოითხოვს. მისი თქმით, ჟურნალისტის სიცოცხლე, რომელიც უკვე 32 დღეა შიმშილობს, სერიოზული საფრთხის ქვეშაა.

"მოვითხოვ ჩემი ქართველი კოლეგის, „ნეტგაზეთისა“ და „ბათუმელების“ გამომცემლის, მზია ამაღლობელის დაუყოვნებლივ გათავისუფლებას. ჟურნალისტის სიცოცხლე, რომელიც უკვე 32 დღეა შიმშილობს, სერიოზული საფრთხის ქვეშაა. ივანიშვილის რეჟიმმა პატივი უნდა სცეს გამოხატვისა და შეკრების თავისუფლებას. ჟურნალისტები დევნის ობიექტები არ უნდა გახდნენ" — წერს მუხთარლი.

აფგან მუხთარლის აზერბაიჯანის ხელისუფლებისადმი ოპოზიციურად განწყობილი ჟურნალისტია, რომელიც თბილისიდან 2017 წლის 29 მაისს გაიტაცეს, 30 მაისს აზერბაიჯანის საზღვრის უკანონოდ გადაკვეთის და ვალუტის კონტრაბანდის ბრალდებით დააკავა, რის შემდეგაც მას აზერბაიჯანის სასამართლომ 6 წლით თავისუფლების აღკვეთა მიუსაჯა. 2020 წლის მარტში აფგან მუხთარლი აზერბაიჯანის ხელისუფლებამ მოულოდნელად გაათავისუფლა და სპეციალური ავიარეისით გერმანიაში გაამგზავრა, სადაც 2019 წლიდან ოჯახთა ერთად ცხოვრობს.