აშშ-ის პრეზიდენტი, დონალდ ტრამპი სოციალურ ქსელ Truth Social-ში წერს, რომ ვოლოდიმირ ზელენსკისთან შესახვედრად თავად არ გაემგზავრება, თუმცა კიევში სახაზინო მდივან სკოტ ბესენტს გაგზავნის.

"სახაზინო მდივანს, სკოტ ბესენტს უკრაინაში ვაგზავნი, რათა პრეზიდენტ ზელენსკის შეხვდეს. ეს ომი უნდა დასრულდეს და მალე დასრულდება — ზედმეტად ბევრი სიკვდილი და განადგურებაა. შეერთებულმა შტატებმა მილიარდობით დოლარი დახარჯა გლობალურად, მცირე შედეგებით. როდესაც ამერიკა ძლიერია, მსოფლიო მშვიდია", — წერს ტრამპი.

11 თებერვალს ტრამპა Fox News-თან ინტერვიუში განაცხადა ისიც, რომ აშშ-ის დახმარების უკრაინის ბუნებრივი რესურსებით ანაზღაურება სურს. ტრამპის თქმით, უკრაინულ მხარეს განუცხადა, რომ 500 მილიარდი დოლარის ღირებულების იშვიათი ლითონები სურს და ისინი ამას დათანხმდნენ.