თბილისის საქალაქო სასამართლოში მოსამართლე ნინო ენუქიძემ ექიმი ვაჟა გაფრინდაშვილი სამართალდამრღვევად ცნო და 500-ლარიანი ჯარიმა დააკისრა.

მისი თქმით, სასამართლო 27 იანვარს, საღამოს 8 საათსა და 17 წუთზე გზის გადაკეტვას ედავებოდა, მაგრამ იმ დროს ის გოთუას ქუჩაზე, მაკდონალდში იმყოფებოდა და შესაბამისი ქვითარიც აქვს.

გაფრინდაშვილმა განაცხადა, რომ ადმინისტრაციული სახდელის გადახდას არ აპირებს და საქმეს სტრასბურგის სასამართლოში წაიღებს, რადგან "საქმე პრინციპს ეხება".

ვაჟა გაფრინდაშვილს ადმინისტრაციულ სამართალდარღვევათა კოდექსის 174-ე პრიმა მუხლის მეოთხე ნაწილით გათვალისწინებული ქმედების ჩადენას ედავებოდნენ. შსს-ს მტკიცებით, ის 27 დეკემბერს, რუსთაველის გამზირზე მიმდინარე საპროტესტო აქციაზე იმყოფებოდა და გზა ხელოვნურად იმ დროს გადაკეტა, როცა ამისთვის ადამიანების საკმარისი რაოდენობა არ იყო.