სასამართლომ სამოქალაქო აქტივისტი ისაკო დევიძე ადმინისტრაციულ სამართალდამრღვევად ცნო და მას ჯარიმა დააკისრა.

მოსამართლე ლევან ცაგარეიშვილის გადაწყვეტილებით, ისაკო დევიძემ ჯარიმის სახით 3500 ლარი უნდა გადაიხადოს.

ისაკო დევიძე 1-ელ თებერვალს დააკავეს — მას შემდეგ, რაც პოლიციამ მისი სახლი გაჩხრიკა და სხვა ნივთებთან ერთად წაიღო ფულიც, რომელიც, გავრცელებული ინფორმაციით, დევიძის დედამ ოპერაციის გასაკეთებლად ბანკიდან სესხად აიღო. დევიძეს ადმინისტრაციულ სამართალდარღვევათა კოდექსის 173-ე მუხლით გათვალისწინებული ქმედების განხორციელებას ედავებოდნენ, რაც პოლიციელის კანონიერი მოთხოვნისადმი დაუმორჩილებლობას გულისხმობს.