რუსეთის ფედერაციის საბჭოს ვიცესპიკერი, კონსტანტინ კოსაჩევი საქართველოს დელეგაციის მიერ ევროსაბჭოს საპარლამენტო ასამბლეის (PACE) დატოვების გადაწყვეტილებას სამართლიანს უწოდებს, რადგან მისი აზრით, PACE-ს მოთხოვნები "დამამცირებელი" იყო.

"დემოკრატიულად მიუკერძოებელი" საერთაშორისო პლატფორმა PACE-ს ლიდერმა მიიღო რეზოლუცია, რომელიც თბილისისგან ითხოვს ხელახალი საპარლამენტო არჩევნების დანიშვნას. იმიტომ, რომ 2024 წლის არჩევნებში ოპოზიციამ, რომელსაც მხარს უჭერს დასავლეთი, ვერ მიიღო ხმათა უმრავლესობა. ბონუსად საქართველოს მოუწოდეს გადახედონ რეკომენდაციას უცხოელი აგენტების კანონის გაუქმების შესახებ. შედეგად საქართველომ PACE-ში მუშაობა შეწყვიტა, მოთხოვნები სამართლიანად ჩათვალა დამამცირებლად." — წერს კოსაჩევი საკუთარ ტელეგრამ არხზე.

კოსაჩევის მტკიცებით, საქართველო "სუვერენული განვითარების გზას დაუბრუნდა", რამაც PACE-ს აღშფოთება გამოიწვია. ის ასევე საქართველოს "ვაშინგტონის დიდ კოლონიად მოიხსენიებს და PACE საქართველოს საშინაო საქმეებში ჩარევაში ადანაშაულებს.