შილდაში, ართანასა და სოფელ ხახაბოსთან ტყეებში ხანძარი ამ დრომდე მძვინვარებს. ბოლო ინფორმაცია საგანგებო სიტუაციების მართვის სამსახურის პრესსამსახურმა On.ge-ს რამდენიმე წუთის წინ მიაწოდა.

მისი ინფორმაციით, დღეს დილასთან შედარებით, პროგრესული მდგომარეობაა, თუმცა შილდაში მხოლოდ ცეცხლის ლოკალიზება მოხდა, ართანასა და თუშეთში კი - ლოკალიზებისთვის სამუშაოები მიმდინარეობს.

ამ ეტაპზე ხანძრის ჩასაქრობ სამუშაოებში ოთხი ვერტმფრენი ჩართული. მათგან საქართველოს კუთვნილი ვერტმფრენი ცეცხლის ჩაქრობას თუშეთში ცდილობს, სამი - ირანისა და კერძო ვერტმფრენი კი ართანაში.

კახეთში, სოფელ ართანაში; ყვარელში, სოფელ შილდაში; მთა-თუშეთში, სოფელ ხახაბოსთან ხანძარი 2 სექტემბერს გაჩნდა.