EU-ს წევრმა ქვეყნებმა რამდენიმე დიპლომატიური პასპორტის მფლობელი შავ სიაში შეიყვანეს. ეს არ არის საკმარისი, — ამის შესახებ ევროპარლამენტარი, თიის როიტენი (ნიდერლანდები) სოციალურ პლატფორმა X-ზე წერს.
მისი თქმით, მაშინ როცა თავისი კონსტიტუციური ევროატლანტიკური მომავლის დასაცავად ზედიზედ 60 დღე ქართველი ხალხი ქუჩაში დგას, ეს ნაბიჯი იმედგამაცრუებელი და სამარცხვინოა.

"ზედიზედ 60 დღე ქართველი ხალხი ქუჩაშია თავისი კონსტიტუციური ევროატლანტიკური მომავლის დასაცავად. დღეს ევროკავშირის წევრმა ქვეყნებმა რამდენიმე დიპლომატიური პასპორტის მფლობელი შავ სიაში შეიყვანეს. ეს არ არის საკმარისი, იმედგამაცრუებელი და გულწრფელად რომ ვთქვათ, სამარცხვინოა", — წერს ევროპარლამენტარი X-ზე.