ჟურნალისტები და აქტივისტები ქუთაისში, სააპელაციო სასამართლოს მოსამართლე მალხაზ ოქროპირიშვილის სახლთან საპროტესტო პლაკატებით და შეძახილებით მივიდნენ.

"თავისუფლება მზია ამაღლობელს", — ამ მოწოდებით მოსამართლის გადაწყვეტილება გააპროტესტეს.

როგორც ადგილზე მისული მოქალაქეები ამბობენ, სწორედ ოქროპირიშვილის გადაწყვეტილებით, მზია ამაღლობელის საქმის სააპელაციო სასამართლოში განხილვა არ მოხდა და ჟურნალისტი პატიმრობაში დარჩა.

ამასთან, ისინი აღნიშნავენ, რომ აღნიშნული გადაწყვეტილებით, საქართველოში ყველა ინსტანციაში საქმის განხილვა დასრულებულია და მათივე შეფასებით, ამაღლობელის სიცოცხლეს საფრთხე ემუქრება, რადგან ის შიმშილობს.

ადგილზე მისული პირები ამბობენ, რომ ყველა იმ მოსამართლის სახლთან მივლენ, რომელთა გადაწყვეტილებით მზია ამაღლობელი პატიმრობაში დარჩა. მათი თქმით, ამ ფორმით ისინი საზოგადოებას მოსამართლეების არასწორი გადაწყვეტილებაზე გააგებინებენ.