2017 წლის აგვისტოში, საქართველოში 1 080 449 ვიზიტორი შემოვიდა. შსს-ს საინფორმაციო-ანალიტიკური დეპარტამენტის ცნობით, აღნიშნული რიცხვი 27,4 პროცენტით მეტია 2016 წლის იმავე პერიოდის მაჩვენებელზე.

  • ტურისტი - 573 368 ვიზიტი (27,2%-ით მეტი წინა წლის ანალოგიურ მაჩვენებელზე);
  • ტრანზიტი - 274 878 ვიზიტი (28,5%-ით მეტი წინა წლის ანალოგიურ მაჩვენებელზე);
  • სხვა - 232 203 ვიზიტი (26,4%-ით მეტი წინა წლის ანალოგიურ მაჩვენებელზე).

ყველაზე მეტი ვიზიტი კვლავ სომხეთიდან, რუსეთიდან, აზერბაიჯანიდან, თურქეთიდან, უკრაინიდან და ირანიდან განხორციელდა.

რაც შეეხება იანვარ-აგვისტოს ინტერვალს, ქვეყანაში 5 059 106 ვიზიტორი შემოვიდა, რაც 18,9%-ით მეტია 2016 წლის ანალოგიურ მაჩვენებელზე, ხოლო ტურისტული ვიზიტი 2 402 699-ით განისაზღვრა, რაც 2016 წლის იგივე პერიოდის მაჩვენებელზე 29,4%-ით მეტია.