მთავრობის ადმინისტრაციაში ადასტურებენ, რომ საქართველო 2025 წელს არც დავოსის ეკონომიკურ ფორუმში და არც მიუნხენის უსაფრთხოების კონფერენციაში მონაწილეობას არ მიიღებს.

დავოსის ეკონომიკური ფორუმი 20-24 იანვარს შვეიცარიაში ჩატარდება და მასში მონაწილეობას მიიღებს 130 ქვეყნის 350-მდე ლიდერი, აქედან 60 — ქვეყნის მეთაური. მათ შორის იქნებიან აზერბაიჯანისა და სომხეთის ლიდერები ილჰამ ალიევი და ნიკოლ ფაშინიანი. ამას გარდა, დავოსის ეკონომიკურ ფორუმზე მიწვეულია 1600-ზე მეტი ბიზნეს ლიდერი, მათ შორის 900-ზე მეტი მსოფლიოს წამყვანი აღმასრულებელი დირექტორი და თავმჯდომარე და სამოქალაქო საზოგადოების 170-ზე მეტი წარმომადგენელი.

რაც შეეხება მიუნხენის უსაფრთხოების კონფერენციას, ის წელს 14-16 თებერვალსაა დაგეგმილი. ეს უკანასკნელი მსოფლიოში წამყვანი ფორუმია, სადაც საერთაშორისო უსაფრთხოების პოლიტიკას განიხილება. ამას გარდა, ეს არის ადგილი დიპლომატიური ინიციატივებისთვის, რათა გადაიჭრას მსოფლიოს ყველაზე აქტუალური უსაფრთხოების პრობლემები.