ნონა ქურდოვანიძე: გიორგი გახარიაზე თავდასხმა პოლიტიკური დევნის ნიშნებს შეიცავს და ეს არა მხოლოდ შსს-ს, არამედ პროკურატურის პასუხისმგებლობაა

15 Jan. 2025, 13:21

"შუალედი [გიორგი გახარიასა და ზვიად ქორიძეზე თავდასხმის] იყო დაახლოებით 15 წუთი. ეს ნიშნავს იმას, რომ ძალადობის დაუსჯელობა, რომელსაც მთელი ამ პერიოდის განმავლობაში ვხედავდით, ახალისებს კრიმინალურ ვითარებას და ძალადობა „ქართული ოცნების“ პოლიტიკის ნაწილი გახდა, ის უკვე ასე ესაუბრება საზოგადოებას. თუ ამ ფაქტების დროულად გამოძიება არ მოხდება, პასუხისგებაში არ მისცემენ და სისხლისსამართლებრივი დევნა არ დაიწყება ადამიანებზე, ვინც ამ ძალადობაში იყვნენ ჩართულები, ეს იქნება პასუხი კიდევ ერთხელ ჩვენს კითხვაზე — იყო თუ არა ეს ხელისუფლებისთვის სასურველი სცენარი ან წახალისებული მათი მხრიდან.

დიმიტრი სამხარაძე იყო ქართული ოცნების ის დეპუტატი, რომელიც თვითონ საკუთარ ფეისბუქზე საჯაროდ აქვეყნებდა ვიდეოს, როგორ დაესხნენ "ტიტუშკები" სხვადასხვა არასამთავრობო ორგანიზაციის ოფისებს, როგორ დააზიანეს ფასადები "რუსული კანონის" დროს. ამ ფაქტებზეც ამ დრომდე არანაირი სამართლებრივი რეაგირება არ მომხდარა. ეს დაუსჯელობა არის ქართული ოცნების პოლიტიკის ნაწილი. ამ ფაქტებზე შინაგან საქმეთა სამინისტროს სწორი კვალიფიკაცია უნდა ჰქონდეს.

ეს არის დანაშაული, რომელსაც ჰყავს თვითმხილველები და თავად ადამიანსაც, რომელსაც დაესხნენ, სავარაუდოდ, შეუძლია ამოიცნოს პირები, რომელიც მონაწილეობდნენ ძალადობაში. კვალიფიკაციას რაც შეეხება, შსს-ს კვალიფიკაცია მსუბუქია იმასთან შედარებით, რასთანაც საქმე გვაქვს. ეს არ შეიძლება იყოს უბრალოდ ძალადობა. მას სავარაუდოდ, პოლიტიკური მოტივი ჰქონდა. ზვიად ქორიძესთან მიმართებით კი ეს შეიძლება შეეხებოდეს მის საქმიანობას. ის საერთაშორისო გამჭვირვალობა — საქართველოს თანამშრომელია და შესაძლოა, ეს უკავშირდებოდეს მის საქმიანობას. ამიტომ, ეს დანაშაული დევნის ნიშნებს შეიცვას. სხვა კვალიფიკაციის მქონე დანაშაულია — პოლიტიკური ნიშნით დევნა. ამიტომ ეს არა მხოლოდ შსს-ს, არამედ პროკურატურის პასუხისმგებლობაა, რომ სწორი ზედამხედველობის პირობებში, კვალიფიკაცია სწორად წარიმართოს ამ ქვედების, არ მოხდეს მტკიცებულებების განადგურება. შეიძლება ცალკე გამოძიების საგანი იყოს, თუ მტკიცებულებები განადგურებულია, თუმცა რა მტკიცებულებებიც ახლა არსებობს, დროულად უნდა იყოს ამოღებული. თუ სისხლის სამართლებრივი დევნა სწრაფად არ იქნება დაწყებული, ცალკეული პირების მიმართ, რომლებიც ამაში მონაწილეობდნენ, პასუხი იქნება, რომ სიტყვებია მხოლოდ, რომ გამოძიება დაიწყო და რეალური ინტერესი არ არის, რომ ეს საქმე გამოძიებული იყოს".

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ

ილჰამ ალიევი: "ირანმა ტერორისტული აქტი ჩაიდინა აზერბაიჯანის ტერიტორიის, აზერბაიჯანის სახელმწიფოს წინააღმდეგ"