"მჩაგვრელი რეჟიმები ფრთხილად უნდა იყვნენ, როდესაც ადარებენ თავიანთ ოპონენტებს ლიეტუველებთან, რადგან ლიეტუველებს მსგავს სიტუაციებში გამარჯვების ისტორია აქვთ", – ლიეტუვის ყოფილი საგარეო საქმეთა მინისტრი, გაბრიელიუს ლანდსბერგისი X-ზე ქართული ოცნების პარლამენტის თავმჯდომარის, შალვა პაპუაშვილის განცხადებას გამოეხმაურა, სადაც პაპუაშვილმა ამბობს, რომ "საჭმელში ჩაფურთხება და ამგვარი ზურგსუკან საქციელი ლიეტუვური სტილია".

"ისე, რომ ვიცოდეთ, საჭმელში ჩაფურთხება და ამგვარი ზურგსუკან საქციელი ლიეტუვური სტილია და ყოველთვის, ყველაზე სამარცხვინო ქცევად ითვლებოდა.

ფაქტია, რომ ყველაზე არაქართული პროტესტის მომსწრე ვართ, რომელიც ლიეტუვიდან გადმოღებული ამ სამარცხვინო ქცევის იმედადაა", — წერს პაპუაშვილი.

შეგახსენებთ, რომ 12 იანვარს რესტორან ბაბილოში მოსამართლეების კორპორაციული წვეულება მწვავე პროტესტის ფონზე მიმდინარეობდა. პროტესტთან დაკავშირებული ზოგიერთი მოქალაქე სოციუალურ ქსელში წერდა, რომ მოსამართლეები იმსახურებდნენ "საჭმელში ჩაფურთხებას".

რესტორანთან წუხელ საპოლიციო ძალების განსაკუთრებული მობილიზება იყო. გვიან ღამით, მოსამართლეებმა საპოლიციო ძალების მიერ გაკეთებული კორიდორით შეძლო რესტორნის მიმდებარე ტერიტორიის დატოვება. შეკრებილები მათ აცილებით შეძახილებით: "მონებო, მონებო".