ადვოკატი ილონა დიასამიძე სოციალურ ქსელში რუსთაველზე პოლიციის მიერ ნაცემი გია ჯვარშეიშვილის შესახებ ცნობებს ავრცელებს და ამბობს, რომ იგი საავადმყოფოში ექიმების მეთვალყურეობის ქვეშ იმყოფება.

როგორც დიასამიძე აღნიშნავს, ჯვარშეიშვილის დაკავება განხორციელდა ძალის გადამეტებით.

"გია ჯვარშეიშვილი ამ ეტაპზე, არის უკეთ და იმყოფება "ალადაშვილის კლინიკაში", ექიმების მეთვალყურეობის ქვეშ.

1. გია დაკავება განხორციელდა ძალის გადამეტებით, რასთან დაკავშირებითაც ინფორმირებულია სპეციალური საგამოძიებო სამსახური;

2. გია ინფორმაციით, დაკავების წუთიდან ჩვენთან შეხვედრამდე მას პოლიცია აყენებდა სიტყვიერ შეურაცხყოფას, რის გამოც როცა გია ვნახეთ, იყო ძალიან აღელვებული (მცირე ხნით გავესაუბრე, ამიტომ სრულად თვითონ მოგვიყვება);

3. დაკავებიდან მალევე სასწრაფო დახმარების ექიმების გადაწყვეტილებით გადაიყვანეს კლინიკაში;

4. კლინიკაში გადაყვანის წუთიდან ათამდე პოლიციელი იმყოფებოდა კლინიკაში, რაც რასაკვირველია გიას მდგომარეობაზე ცუდად აისახებოდა, იყო აღელვებული;

5. ჩვენი არაერთი მოთხოვნის მიუხედავად, პოლიცია გიას არ ათავისუფლებს ე.წ ხელწერილის საფუძველზე და არც იმას გვისაბუთებს რა არის დაკავების საჭიროება;

6. დაკავებიდან რამდენიმე საათის განმავლობაში მარჯვენა ხელზე არ მოხსნეს ხელბორკილი, გვეუბნებოდნენ რომ თუ კი ექიმი ეტყობა, მხოლოდ მაშინ მოხსნიდნენ;

7. მხოლოდ რამდენიმე წუთით მომეცა გიასთან საუბრის უფლება, პოლიციამ არ მომცა მასთან კომუნიკაციის შესაძლებლობა;

8. დილამდე გია დარჩება საავადმყოფოში, შემდგომ უკვე ექიმის გადაწყვეტილების მიხედვით, გამოწერენ და გადაიყვანენ წინასწარი დაკავების იზოლატორში ან სასამართლოში/ ან მკურნალობას გააგრძელებს კლინიკაში.

9. სტანდარტულად, პოლიცია გიას ედევა საქართველოს ადმინისტრაციულ სამართალდარღვევათა კოდექსის 166-ე და 173-ე მუხლებს.

10. ჩვენთან საუბრისას პოლიციელს "წამოსცდა" რომ აპირებენ გიას 48 საათით წინასწარი დაკავების იზოლატორში დატოვებას, როცა ჩავეკითხეთ რატომ? თავი გაიმართლა მაქსიმუმი გითხარითო.

11. სახალხო დამცველის აპარატი დაგვეხმარა გიას პოვნაში, მოგვიანებით მათი წარმომადგენელი მოვიდა კლინიკაში.

გია ნახვის წუთიდან გვიმეორებდა, რომ თავს დაცულად არ გრძნობდა, ამიტომ დავრეკე სახალხო დამცველის ცხელ ხაზზე და ვითხოვე, გიასთან დარჩენილიყო მათი წარმომადგენელი, რადგან მას აძლევდნენ გიას შორი ახლოს ყოფნის უფლებას, ჩვენ კი არა.

ცხელ ხაზზე დამპირდნენ, თუმცა მოგვიანებით აღმოვაჩინეთ, რომ სახალხო დამცველის წარმომადგენელი კლინიკაში აღარ იყო, რომელიღაც კარიდან "გავიდა", რადგან არავის დაგვინახავს როდის გამოვიდა.

ტელეფონზე საუბრისას თავი იმართლა, რომ მანდატის ფარგლებში რაც შემეძლო გავაკეთეო", —