ოკუპირებულ სოხუმში სროლის შედეგად სამი ადამიანი გარდაიცვალა, — ინფორმაციას "ეხო კავკაზა" ავრცელებს.

მედიის ცნობით, სროლა ოკუპირებული სოხუმის ცენტრში მდებარე კაფე "ბისკვიტში" მოხდა.

ოკუპირებული აფხაზეთის ე.წ. ჯანდაცვის სამინისტროს ინფორმაციით, სროლის შედეგად დაშავებული სამი ადამიანი საავადმყოფოში გადაიყვანეს, თუმცა ცეცხლსასროლი იარაღით მიყენებული ჭრილობები სიცოცხლესთან შეუთავსებელი აღმოჩნდა და მათი გადარჩენა ვერ მოხერხდა.

ეჭმიტანილი შემთხვევის ადგილიდან მიიმალა, თუმცა ე.წ. პოლიციამ მისი ამოცნობა და დაკავება შეძლო.