აშშ-ის კონგრესმა დონალდ ტრამპი გასული წლის საპრეზიდენტო არჩევნების გამარჯვებულად ოფიციალურად გამოაცხადა, რაც გზას უხსნის 20 იანვარს მის ინაუგურაციას.

"დონალდ ტრამპმა, ფლორიდის შტატიდან, მიიღო 312 ხმა. კამალა ჰარისმა, კალიფორნიის შტატიდან, მიიღო 226 ხმა", — განუცხადა თავად კამალა ჰარისმა შეკრებილ კანონმდებლებს ხმის დათვლის შემდეგ.

ვიცე-პრეზიდენტმა კამალა ჰარისმა, როგორც სენატის პრეზიდენტმა პროცესს უხელმძღვანელა.

შეგახსენებთ, რომ აშშ-ის 47-ე პრეზიდენტის, დონალდ ტრამპის ინაუგურაცია 20 იანვარს გაიმართება.