მონტენეგროში შეიარაღებულმა პირმა, სულ მცირე 10 ადამიანი, მათ შორის ორი ბავშვი მოკლა, მოგვიანებით მან თვითმკვლელობა სცადა და საკუთარ თავს მრავლობითი ჭრილობები მიაყენა.

გავრცელებული ინფორმაციით, სროლა მონტენეგროს ქალაქ ცეტინიეს ერთ-ერთ რესტორანში მომხდარ ფიზიკურ დაპირისპირებას მოჰყვა.

ქვეყნის შინაგან საქმეთა მინისტრი, დანიელო სარანოვიჩი აცხადებს, რომ 45 წლის თავდამსხმელმა, ალექსანდარ მარტინოვიჩმა, რესტორნის მფლობელი, მისი შვილები და საკუთარი ოჯახის წევრები დახოცა.

"როდესაც მან დაინახა, რომ უიმედო სიტუაციაში იყო, თვითმკვლელობა სცადა. იგი ჭრილობებს ადგილზევე არ ემსხვერპლა, არამედ საავადმყოფოში ტრანსპორტირების პროცესში", — განუცხადა სარანოვიჩმა საზოგადოებრივ მაუწყებელს.

პოლიციის ინფორმაციით, ქალაქ ცეტინიეს რესტორანში ოთხი ადამიანის მოკვლის შემდეგ, მარტინოვიჩმა სამ სხვადასხვა ლოკაციაზე გადაინაცვლა, სადაც მან კიდევ 6 ადამიანი მოკლა.

მონტენეგროს მთავრობამ ქვეყანაში სამდღიანი გლოვა გამოაცხადა.