"ეხო კავკაზას" ინფორმაციით, ვლადიკავკაზში მდებარე სავაჭრო ცენტრში აფეთქება მოხდა. შემთხვევას ერთი ადამიანი ემსხვერპლა.

გავრცელებული ინფორმაციით, აფეთქება ვლადიკავკაზში არსებულ სავაჭრო ცენტრში, "ალანია მოლის" ზედა სართულზე დღეს დილით მოხდა.

რუსულ მედიებზე დაყრდნობით, აფეთქების შედეგად ერთი ადამიანი გარდაიცვალა, ხოლო ერთი დაშავდა.

როგორც ჩრდილოეთ ოსეთი რესპუბლიკის ხელმძღვანელი, სერგეი მენიაილო აცხადებს, აფეთქება დრონს არ გამოუწვევია.