დედაქალაქის მერმა კახა კალაძემ მოქალაქეებს მოუწოდა, რომ "საახალწლო სოფელში" შეკრებილ საზოგადოებას შეურაცხყოფას ნუ მიაყენებენ. კალაძის კომენტარს თბილისის მერია ავრცელებს.

ამის შესახებ მან საახალწლო ღონისძიებებზე ე.წ. ტიტუშკების შესაძლო მიყვანასთან დაკავშირებით დასმულ შეკითხვაზე განაცხადა.

"საახალწლო სოფელში" უამრავი ადამიანია შეკრებილი. ტელეკომპანია "პირველის" ჟურნალისტი გამოდის და აქ შეკრებილ საზოგადოებას აყენებს შეურაცხყოფას. ჩემი თხოვნა იქნება, ცოტა ზრდილობა იქონიეთ. ძალიან გთხოვთ, ერთმანეთს შეურაცხყოფას ნუ მივაყენებთ", — განაცხადა კახა კალაძემ.

ცნობისთვის, თბილისის მერმა დღეს, 24 დეკემბერს, საშობაო ბაზრობა მოინახულა.