"ავუხსენი გენერალურ მდივანს და მის დელეგაციას, რომ მათი არც მანდატი, არც უფლება და არც მოვალეობა არ არის რომ რაღაც კომისია დანიშნონ, ჯერ არავისგან აღიარებულ ხელისუფლებასთან, მითუმეტეს იმისთვის, რომ განიხილონ რა არი რუსული კანონი. ვის რაღაში აინტერესებს რუსული კანონის შეცვლა თუ არ შეცვლა", — ამის შესახებ საქართველოს პრეზიდენტმა, სალომე ზურაბიშვილმა ევროსაბჭოს გენერალურ მდივანთან, ალენ ბერსესთან შეხვედრის შემდეგ განაცხადა

შეგახსენებთ, რომ ევროსაბჭოს გენერალურმა მდივანმა, ალენ ბერსემ საქართველოში ვიზიტის შემაჯამებელ პრესკონფერენციაზე განაცხადა, რომ "მიესალმება მთავრობის დაპირებას, რომ შეცვლის "უცხოური გამჭვირვალობის კანონს".

"მე მათ ავუხსენი, რომ არ შეიძლება ამ ქვეყანაში მოსვლა, როცა შენ წარმოადგენ ყველზე ძველ ევროპულ ორგანიზაციას, რომელიც არის უშუალოდ პასუხისმგებელი ერთ რამეზე – დაიცვას დემოკრატიული პრინციპები, ადამიანის უფლებები და ადამიანების თავისუფლება. ამ ორგანიზიაციას აქვს ერთი პასუხისმგებლობა და მოვალეობა, ხმა ამოიღოს, როცა მის წევრ ქვეყანაში ხდება ის, რაც ხდება საქართველოში. ანუ ძალადობა ხალხზე, მისი უფლებების შეზღუდვა. ამისი გაპროტესტება და დაგმობა არის ასეთი ორგანიზაციის მისია.

მე მათ ავუხსენი, რომ არც მათი მანდატი, არც მოვალეობა, არც უფლება არ არის, რომ რაღაც კომისია დანიშნოს არაღიარებულ ხელისუფლებასთან, მით უმეტეს იმისთვის, რომ განიხილოს რუსული კანონი. ვის აინტერესებს რუსული კანონის შეცვლა თუ არ შეცვლა. ეს არის ყველაზე კარგი მაგალითი იმისა, თუ როგორ იტყუება ეს ხელისუფლება წლების განმავლობაში", — განაცხადა პრეზიდენტმა.