ცენტრალური საარჩევნო კომისიის პრესსპიკერმა, ნათია იოსელიანმა ჟურნალისტებს განუცხადა, რომ 11:30 საათის მონაცემებით, პრეზიდენტის არჩევნებში მონაწილეობა კოლეგიის 170-მა წევრმა მიიღო.

მისი თქმით, არჩევნები შედგა, რადგან მასში მონაწილეობა კოლეგიის სრული შემადგენლობის ნახევარზე მეტმა მიიღო.

"11:30 საათის მონაცემებით, პროცესში მონაწილეობა 170 კოლეგიის წევრს ჰქონდა მიღებული. შესაბამისად, არჩევნები ჩაითვალა ჩატარებულად, არჩევნები შედგა, რადგან მასში მონაწილეობა უკვე მიიღო საარჩევნო კოლეგიის სრული შემადგენლობის ნახევარზე მეტმა“, — განაცხადა იოსელიანმა.